Repolyo Chronicles: Mga Nakakaasar na Facebook Users

1) TAG ADDICT - Sila yung mga tao na kahit wala ka namang kinalaman sa photo na yun e, pilit ka pa ring idinadawit. Basta may makita lang silang magandang piktyur, itatag ka na. Napupuno tuloy album mo ng mga walang kwentang litrato.

2) FACEBOOK IS MY DIARY - Sila naman yung update ng update ng mga ginagawa nila sa buhay. Kung ano kinakain nila ngayon. Kung ano ginagawa nila. Ultimo pagtae nila pinapaalam pa nila sa buong mundo.

3) PAGIFT PLEASE - Minsan kapag ang ganda ganda ng pagnenet mo, bigla na lang may magchachat sayo tapos nagpapagift sa Farmville, sa Petville o kaya sa kahit anong larong kinahuhumalingan nila.

Ako: (Matiwasay na naglalaro ng NightClub City)

FB Friend: Uy pagift naman ako sa Farmville. Kulang na lang ako ng isang turnilyo.

Ako: Di ako naglalaro ng Farmville e.

FB Friend: MAglaro ka na! Now na! Tapos igift moko! Hintayin ko! Okay?!

Ayun, sira na araw ko.

4) FACEBOOK FEELING CLOSE (FC) - Bigla na lang silang magmemessage sayo at papaisipin ka na matagal na kayong magkakilala.

FB FC: Hi.

Ako: Hello

FB FC: Kamusta ka na? Namiss kita.

Ako: Ay teka. Sino ka ba?

At eto ang mga pinakaayaw kong FB Users.. Dandananandandandandan…. (drum roll)

5) ANG MGA UNDECIDED - Sila yung mga kaibigan mo sa Facebook na parang nagbibihis lang ng damit kung magpalit ng Facebook relationship status. Ngayon, “in a relationship” sya. tapos mamaya maya magugulat ka “single” na sya bigla.